ງານສະແດງສິນຄ້າ ຂອງຜູ້ປະກອບການ ຈາກປະເທດໄທ ປະຈຳປີ 2007 ທີ່ເອີ້ນວ່າ Thailand Exhibition ມີ ກຳນົດຈັດຂື້ນໃນລະຫ່ວາງວັນທີ 30 ພືດສະພາ-ວັນທີ 3 ມິຖຸນາ ທີ່ນະຄອນຫລວງວຽງຈັນ,ຕາມການເປີດ ເຜີຽ ຂອງທ່ານ ສະເລີມພົນ ພົງສະບັບນາພາ ທູດການຄ້າໄທປະຈຳ ສປປ ລາວ
ສຽງ: “ປີນີ້ຈະຈັດຂື້ນໃນວັນທີ 30 ພືດສະພາ-ວັນທີ 3 ມິຖຸນາ ທີ່ອາຄານສະແດງສິນຄ້າ ລາວ ໄອເທັກ. ມີຜູ້ ປະກອບ ການຈາກປະເທດໄທປະມານ 200 ກ່ວາຣາຍ. ງານດັ່ງກ່າວໃນປີຜ່ານມາມີຜູ້ເຂົ້າຊົມ 900,000 ກ່ວາຄົນຊື່ງເປັນຕົວເລກບໍ່ນ້ອຍ ປີນີ້ກໍຄົງຢູ່ໃນຣະດັບດຽວກັນ."
ທ່ານ ສະເລີມພົນກ່າວວ່າ ສິນຄ້າທີ່ຜູ້ປະກອບການນຳມາສະແດງແລະຈຳນ່າຍນັ້ນສ່ວນຫລາຍແມ່ນສິນຄ້າ ປະເພດ ເຄື່ອງໄຊ້ປະຈຳວັນຮວມໄປເຖິງສິນຄ້ານື່ງຜລິຕະພັນນື່ງຕຳບົນຂອງໄທຊື່ງຫວັງວ່າຈະບຸກເບີກແລະເພີ້ມຍອດຈຳນ່າຍ ໃນລາວ. ໃນຂະນະນີ້ຄົນລາວໂດຍທົ່ວໄປຖືວ່າມີສະພາບເສຖະກິດແລະສັງຄົມທີ່ດີຂື້ນຕາມລຳດັບ ດັ່ງນັ້ນການ ບໍຣິໂພກ ໃນລາວຈື່ງຖືວ່າເປັນແຫ່ລງສົ່ງອອກສິນຄ້າທີ່ນ່າສົນໃຈຂອງໄທໂດຍມີຈີນແລະວຽດນາມເປັນຄູ່ແຂ່ງ.
ໃນງານສິນຄ້າດັ່ງກ່າວ ຝ່າຍໄທຍັງມີໂຄງການຝືກອົບໂຮມຄວາມຮູ້ໃຫ້ແກ່ພາກສ່ວນທຸຣະກິດຕ່າງໆໃນລາວ ດັ່ງທີ່ທ່ານ ສະເລີມພົນໄດ້ກ່າວ
ສຽງ: “ໂຄງການອົບຣົມໃຫ້ຄວາມຮູ້ກ່ຽວກັບການພັດທະນາອັນມະນີແລະເຄື່ອງປະດັບ ອັນນີ້ກໍມີການຈັດ ສັມະນາໃຫ້ທາງການລາວ ແລະຍັງມີການຝືກອົບຣົມໃນເຣື້ອງຂອງແນວພັນພືດ ແນວພັນສັຕຊື່ງລາວ ຂໍໃຫ້ຝ່າຍໄທຊ່ວຍ."
ນອກຈາກນີ້ ໃນງານດັ່ງກ່າວຝ່າຍໄທຍັງຈັດຕຽມໃຫ້ເອກະຊົນຂອງໄທແລະເອກະຊົນຂອງລາວຊື່ງ ມີຄວາມສົນໃຈ ໃນທຸຣະກິດປະເພດດຽວກັນ ມາຈັບຄູ່ແລະເວົ້າຈາ ແລກປ່ຽນຂໍ້ມູນເພື່ອຊ່ວຍໃຫ້ນັກລົງທືນ ລາວແລະໄທ ມີໂອກາດ ຮ່ວມກັນລົງທືນຫລືເຮັດກິດຈະການນຳກັນ.
Credit: ສົມເນ ຣາຍງານ
Lao-Global News Agent: Vatthana ATANAPHONE (MELBOURNE, VIC)
