ກົມອາຫານ ແລະ ຢາ ກະຊວງສາທາລະນະສຸກ ສປປ ລາວ ເຕືອນໃຫ້ປະຊາຊົນລະວັງ ອາດມີການລະບາດຂອງຢາຜິດກົດຫມາຍຫລາຍຂຶ້ນ ໂດຍສະເພາະແມ່ນຢາກະຕຸ້ນ ທາງເພດ ຫລື ເອີ້ນເປັນພາສາອັງກິດວ່າ (Viagra) ເຊິ່ງຢາຊະນິດນີ້ ກຳລັງມີຄວາມຕ້ອງການເປັນຈຳ ນວນບໍ່ຫນ້ອຍໃນກຸ່ມຜູ້ມີອາຍຸສູງນັບແຕ່ 40 ປີຂຶ້ນໄປ ທີ່ມີອາການເສື່ອມສະມັດຕະພາບທາງ ເພດ (erelectile dysfunction).

ຕໍ່ກັບບັນຫາດັ່ງກ່າວ ດຣ. ລຳພອນ ສີຫາຄັງ, ຫົວຫນ້າພະແນກຄວບຄຸມຢາ ໄດ້ເປີດເຜີຍ ວ່າ: ໃນປະຈຸບັນນີ້ ທາງເຈົ້າຫນ້າທີ່ຂອງພວກເຮົາໄດ້ສົງໄສເບື້ອງຕົ້ນ ວ່າອາດມີຜູ້ນຳຢາກະຕຸ້ນ ທາງເພດທີ່ຜິດກົດຫມາຍເຂົ້າມາຂາຍຢູ່ ສປປ ລາວ ຫລາຍຂຶ້ນ ຍ້ອນເຈົ້າຫນ້າທີ່ ບາງຈຳນວນ ທີ່ເຮັດວຽກຢູ່ຕາມຊາຍແດນຍັງບໍ່ມີມາດຕະການເຂັ້ມງວດ ແລະ ກໍຍັງຖືເບົາຢູ່ ເພາະມັນສະ ແດງໃຫ້ເຫັນວ່າບໍ່ດົນມານີ້ ທາງເຈົ້າຫນ້າທີ່ຂອງພວກເຮົາຢຶດໄດ້ຢາກະຕຸ້ນທາງເພດ ຈຳນວນ ຫນຶ່ງຖືກນຳມາຈາກປະເທດໃກ້ຄຽງ.

ດຣ. ລຳພອນ ສີຫາຄັງ, ຍັງໄດ້ອະທິບາຍກ່ຽວກັບໄພຮ້າຍຂອງຢາດັ່ງກ່າວ ວ່າ: ຖ້າຜູ້ໃດ ຜູ້ຫນຶ່ງຫາກກິນຢາຊະນິດນີ້ເຂົ້າໄປແລ້ວ ຈະເກີດອາການຫນ້າມືດຕາມົວ, ຫົວໃຈເຕັ້ນໄວຜິດປົກ ກະຕິ ຄວາມດັນເລືອດຕ່ຳ ເຊິ່ງອາດເຮັດໃຫ້ເສຍຊີວິດຢ່າງກະທັນຫັນໄດ້ ເພາະມັນເປັນການ ສ່ຽງຕໍ່ສຸຂະພາບ ແລະ ການເສຍຊີວິດ, ເພາະສະນັ້ນ, ທາງກະຊວງສາທາລະນະສຸກຂອງ ພວກເຮົາ ໄດ້ສັ່ງຫ້າມການນຳເຂົ້າຢາປະເພດນີ້, ເຊິ່ງມີສານຊະນິດຫນຶ່ງເປັນຕົວກະຕຸ້ນຫລັກ ໃນເມັດຢາ ເຊິ່ງເອີ້ນວ່າ: ຊິລດີນາຟີລ (Sindenafil) ຖ້າຜູ້ໃດຜູ້ຫນຶ່ງ ຫາກຝ່າຝືນລະບຽບກົດ ຫມາຍຈະຖືກຈັບ ແລະ ປັບໄຫມ.

ເຈົ້າຫນ້າທີ່ຈາກກະຊວງສາທາລະນະສຸກຜູ້ຫນຶ່ງ ເວົ້າວ່າ: ປະຈຸບັນນີ້ມີພໍ່ ຄ້າ-ແມ່ຄ້າຈຳນວນ ຫນຶ່ງ ກຳລັງນຳຢາກະຕຸ້ນທາງເພດເຂົ້າມາຂາຍໃຫ້ແມ່ຄ້າ-ພໍ່ຄ້າຂາຍຍ່ອຍ ທັງຢູ່ໃນນະ ຄອນ ຫລວງວຽງຈັນ ແລະ ທ້ອງຖິ່ນ ແບບຜິດກົດຫມາຍຫລາຍຂຶ້ນກວ່າ ເກົ່າ ເຊິ່ງກຳລັງເປັນບັນຫາ ທີ່ອັນຕະລາຍຮ້າຍແຮງຕໍ່ໄວຫນຸ່ມ ແລະ ຜູ້ໃຫຍ່ທີ່ບໍ່ຮູ້ຜົນຮ້າຍຂອງຢາດັ່ງກ່າວ.

ຂັດມາຈາກ ຫນັງສືພິມເສດຖະກິດ ສັງຄົມ