ຮູບພາບ: ນັກສຶກສາລາວຮ່ວມເດີນແຟຣຊັນໃນງານສະຫຼອງບຸນປີໃຫມ່ ທີ່ສະຖານທູດລາວ ໂຕກຽວ

ວັນທີ 11 ມິຖຸນານີ້ ທີ່ກະຊວງສຶກສາທິການໄດ້ເຊັນສັນຍາໂຄງການທຶນຊ່ວຍເຫລືອດ້ານ ການສຶກສາ ເພື່ອພັດທະນາຊັບພະຍາກອນມະນຸດຄັ້ງທີ 9 ສົກປີ 2008-2009 ຈຳນວນ 25 ທຶນ ໄປສຶກສາປະລິນຍາໂທ ທີ່ປະເທດຍີ່ປຸ່ນ. ຮ່ວມລົງນາມເຊັນສັນຍາໃນຄັ້ງນີ້ຝ່າຍລາວ ແມ່ນທ່ານ ອ່ວມ ແສງຈັນດາວົງ, ຫົວຫນ້າກົມແຜນການ ແລະ ການຮ່ວມມືກະ ຊວງສຶກສາ ທິການ; ຝ່າຍຍີ່ປຸ່ນ ແມ່ນທ່ານນາງ ມິຈິໂກະ ຕາກາຢະ, ຫົວຫນ້າພະແນກນັກສຶກສາຕ່າງປະ ເທດ ສູນຮ່ວມມືສາກົນຍີ່ປຸ່ນ.

   ສຳລັບໂຄງການທຶນຊ່ວຍເຫລືອດ້ານການສຶກສາ ເພື່ອພັດທະນາຊັບພະຍາກອນມະນຸດ(ເຈ ດີເອສ) ແມ່ນເລີ່ມປະຕິບັດມາຕັ້ງແຕ່ປີ 1999 ມີນັກສຶກສາຈຳນວນທັງຫມົດ 170 ຄົນ ທີ່ໄດ້ ຖືກຄັດເລືອກໄປສຶກສາຢູ່ປະເທດຍີ່ປຸນ.

   ມາຮອດເດືອນມິຖຸນາປີ 2007 ມີນັກສຶກສາໄດ້ຮັບທຶນການສຶກສາແລ້ວ 103 ຄົນ, ນອກ ຈາກນີ້ ນັກສຶກສາຈຳນວນ 14 ຄົນ ຈະກັບມາໃນເດືອນ ກໍລະກົດ ແລະ ເດືອນ ກັນຍາ ປີ 2007 ນີ້ ຫລັງຈາກຈົບຫລັກສູດປະລິນຍາໂທ.

   ສຳລັບໂຄງການທີ 8 ປີ 2007- 2008 ມີນັກສຶກສາຈຳນວນ 25 ຄົນ ໄດ້ຮັບການຄັດ ເລືອກສຳລັບໂຄງການນີ້ຈະອອກເດີນທາງໄປສຶກສາຢູ່ປະເທດຍີ່ປຸ່ນ ໃນຕົ້ນເດືອນກໍລະກົດໃນ ປີ 2007.

Source: pasason