Photo:
ພັກ ແລະ ລັດຖະບານເຮົາ ຍາມໃດກໍໄດ້ເອົາໃຈໃສ່ໃນການກະຕຸກ ຊຸກຍູ້ ແລະ ສົ່ງເສີມ ຂະບວນການ ປູກໄມ້ ແລະ ຟື້ນຟູປ່າ ຢູ່ພາຍໃນປະ ເທດເຮົາໃຫ້ກວ້າງຂວາງເພື່ອທົດແທນ ຄວາມເສຍຫາຍທີ່ເກີດຂຶ້ນຈາກ ການທຳລາຍປ່າໄມ້ຂອງມະນຸດ ແລະ ໄພທຳມະຊາດ ເພື່ອ ປ້ອງກັນ ສະພາບແວດລ້ອມ ແລະ ການພັດ ທະນາທີ່ຍືນຍົງຂອງປະເທດ.ແຕ່ສຳລັບການ ປູກທົດແທນໃນປະຈຸບັນນີ້ຖ້າທຽບໃສ່ການສູນເສຍທີ່ ຜ່ານມາ ແມ່ນຍັງບໍ່ທັນໃກ້ຄຽງກັນເລີຍ, ດັ່ງນັ້ນ ພວກເຮົາກໍຄືຄົນລາວ ທັງຊາດ ຈະຕ້ອງໄດ້ເພີ່ມທະວີຄວາມ ເປັນເຈົ້າການໃນການ ປູກໄມ້ ແລະ ຟື້ນຟູປ່າ ສ້າງໃຫ້ກາຍເປັນວຽກງານ ຕົວຈິງ ເຮັດໃຫ້ມີປະສິດທິຜົນຢ່າງແທ້ ຈິງ ເພື່ອປາສະຈາກການປູກຄືນຂຸມ ເກົ່າ ຄືດັ່ງຫາງສຽງຂອງສັງຄົມ ໄດ້ ສ່ອງແສງໃນຜ່ານ ມາ.ເຊິ່ງບັນຫາ ຫລັກແມ່ນພວກເຮົາຍັງຂາດຄວາມ ຮັບຜິດຊອບຕໍ່ການປົກປັກຮັກສາ ປູກ ແລ້ວກໍປະປ່ອຍໄປຕາມທຳມະ ຊາດ ເຮັດໃຫ້ອັດຕາການເຕີບໂຕ ຂອງໄມ້ທີ່ປູກໃນແຕ່ລະປີ ເຫລືອນ້ອຍ.

ຕໍ່ກັບປາກົດການ ແລະ ສະພາບການທີ່ເກີດຂຶ້ນນີ້ ພວກເຮົາຕ້ອງໄດ້ ເພີ່ມທະ ວີປຸກລະດົມນ້ຳໃຈຮັກຊາດ ຮັກບ້ານເກີດເມືອງນອນ ແລະ ຮັກ ທຳມະຊາດ ຂອງຊຸມຊົນໃຫ້ ຫລາຍ ຂຶ້ນ ໂດຍສະເພາະແມ່ນການປູກຈິດ ສຳນຶກຄວາມຮັກດັ່ງກ່າວໃຫ້ເດັກ ນ້ອຍເຍົາວະ ຊົນຮຸ້ນໃຫມ່ຮູ້ໄດ້ເຖິງຜົນ ດີຄວາມຫມາຍຄວາມສຳຄັນຂອງທຳ ມະຊາດຕໍ່ກັບການດຳລົງຊີ ວິດຂອງຄົນ ເຮົາ ນອກຈາກການປູກ, ການປົກປັກຮັກສາ ແລະ ການປູກຈິດສຳນຶກ ທີ່ກ່າວ ມາແລ້ວ ກໍຄວນມີການຫລຸດ ຜ່ອນອັດຕາການຕັດໄມ້ໃນທຳມະຊາດ ໃຫ້ນ້ອຍລົງເພີ່ມຄວາມ ເຂັ້ມງວດ ແລະ ສະກັດກັ້ນພວກລັກລອບຕັດ, ຊື້-ຂາຍໄມ້ ແລະ ສົ່ງໄມ້ອອກແບບ ຜິດກົດ ຫມາຍ ໂດຍສະເພາະແມ່ນ ໄມ້ທີ່ມີລາຄາແພງ.
 
ຕໍ່ກັບບັນຫາ ການຕັດ, ການລັກລອບຊື້-ຂາຍໄມ້ ແລະ ສົ່ງໄມ້ອອກແບບຜິດກົດຫມາຍ ນີ້ ມັນແມ່ນບັນຫາຫນຶ່ງ ທີ່ຈະຕ້ອງ ໄດ້ຮັບ ການແກ້ໄຂສະນັ້ນ ຕໍກັບບັນ ຫານີ້ ກ່ອນອື່ນແມ່ນຢາກຮຽກຮ້ອງ ມາຍັງພາກສ່ວນທີ່ກ່ຽວຂ້ອງ ຈົ່ງມີ ຄວາມຮັບຜິດຊອບ ແລະ ເອົາໃຈໃສ່ ຕື່ມໃນການກວດກາໃຫ້ມີຄວາມເຂັ້ມງວດ ພ້ອມ ທັງມີການສຳຫລວດພະນັກງານພາຍໃນສັງກັດຂອງຂອບ ເຂດວຽກງານດັ່ງກ່າວ ວ່າມີຄວາມ ສະ ອາດໂປ່ງໃສໃນການປະຕິບັດຫນ້າ ທີ່ວຽກງານແລ້ວຫລືບໍ່? ສະກັດກັ້ນ ບໍ່ໃຫ້ມີພະນັກ ງານສັງກັດພາຍໃນ ວຽກງານສົມຮູ້ຮ່ວມຄິດຮັບໃຊ້ກຸ່ມ ນາຍທຶນທີ່ຫວັງພຽງແຕ່ສິດຜົນປະ ໂຫຍດເທົ່ານັນ ນອກຈາກນີ້ ໍແມ່ນ ຢາກຮຽກຮ້ອງມາຍັງພໍ່ແມ່ປະຊາຊົນ ຄົນລາວທັງຊາດ ຈົ່ງມີສະຕິເປັນເຈົ້າ ຮ່່ວມກັນໃນການປົກປັກຮັກສາທຳ ມະຊາດ ແລະ ສິດຜົນປະໂຫຍດ ຂອງຊາດ ເຮົາຊ່ວຍກັນເພື່ອບໍ່ໃຫ້ ສິດຜົນປະໂຫຍດເລົ່ານັ້ນຕົກໄປຢູ່ໃນມືຂອງກຸ່ມຄົນບໍ່ດີສະ ນັ້ນພວກ ເຮົາຕ້ອງມາພ້ອມໃຈກັນຊ່ວຍເຫລືອ ກັນວຽກງານດັ່ງກ່າວຈິງຈະປາກົດຜົນເປັນຈິງ.

Source: ecom