ທ່ານ Francis ຜູ້ຕາງໜ້າອົງການ ຢູເນສະໂກທີ່ມີສຳນັກງານຕັ້ງຢູ່ເມືອງຫລວງພະບາງໄດ້ໃຫ້ສຳພາດແກ່ຊື່ມວນຊົນ
ກ່ຽວກັບສະພາບໂຕຈິງຂອງເມືອງຫລວງພະບາງວ່າ ຫລວງພະບາງໄດ້ປ່ຽນແປງໄປແບບທັນຕາເຫັນ, ມີຄົນໃສ່ບາດ
ໃນຕອນເຊົ້ານ້ອຍລົງຍ້ອນເຮືອນຫລາຍຫລັງໃນຕົວເມືອງຖືກຂາຍ ແລະ ຫລາຍຫລັງຖືກເຊົ່າໂດຍນັກທຸຣະກິດ.

ພວກເຂົາເຈົ້າກໍບໍ່ໄດ້ໃສ່ບາດເໝືອນກັບຄົນຫລວງພະບາງ. ນອກຈາກນີ້, ການເຂົ້າຢ້ຽມຊົມສະຖານທີ່ສຳຄັນທາງດ້ານ
ວັທະນະທັມປະເພນີ ແລະ ປະຫັວດສາດກໍຍັງບໍ່ທັນໄດ້ມີລະບຽບຢ່າງເຂັ້ມງວດ, ໂດຍສະເພາະທາງການຍັງໄດ້ປ່ອຍ
ໃຫ້ນັກທ່ອງທ່ຽວແມ່ຍິງນຸ່ງສົ່ງຂາສັ້ນຫລືໃສ່ກະໂປງນັ້ນເຂົ້າໄປໄດ້ ຊື່ງເຫັນວ່າເປັນສິ່ງບໍ່ເໝາະສົມເລີຽ.

ທ່ານ Francis ໃຫ້ທັດສະນະວ່າ ຖ້າຫາກຫລວງພະບາງຍັງບໍ່ ເອົາມາຕະການ ແລະ ລະບຽບໃນການຄຸ້ມຄອງ
ວັດທະນະທຳ ແລະ ແຫ່ລງ ທ່ອງທ່ຽວໃຫ້ດີກ່ວານີ້ແລ້ວ ຫລວງພະບາງກໍອາດຈະບໍ່ຕ່າງ ຫຍັງກັບນະຄອນ
ຫລວງວຽງຈັນທີ່ມີອາຄານ ໃຫ່ຽຫລາຍຫລັງເກີດຂື້ນ, ຕາມຖນົນມີຣົຖແອອັດ, ເກີດມີໂຮງງານຫລາຍແຫ່ງ.

ເຖິງເວລານັ້ນຫລວງພະບາງອາດຈະຖືກອົງການຢູເນສະໂກຖອນອອກຈາກການເປັນເມືອງມໍຣະດົກໂລກກໍເປັນໄດ້.
ຜ່ານມາອົງການຢູເນສະໂກໄດ້ວາງມາຕະການຄວບຄຸມເພື່ອຮັກສາເມືອງຫລວງພະບາງໃຫ້ຢູ່ໃນເງື່ອນໄຂຂອງການ
ເປັນເມືອງ ມໍຣະດົກໂລກ,ແຕ່ກໍບໍ່ສາມາດຢັບຢັ້ງການປ່ຽນແປງນີ້ໄດ້. ມີເຮືອນຫລາຍຫັລງຖືກດັດແປງໃຫ້ເປັນເຮືອນ
ພັກ ເປັນຮ້ານ ອາຫານ ແບບຕ່າງປະເທດ, ຄົນໃນທ້ອງຖິ່ນພາກັນທະຍອຍຍ້າຍອອກໄປຢູ່ນອກເມືອງ ແລະ ເຂດ
ຊົນະບົດ.

ກ່ຽວກັບເຮືອງນີ້ ເຈົ້າໜ້າທີ່ໃນເມືອງຫລວງພະບາງບາງຄົນກໍເວົ້າວ່າ ບ້ານຂອງເຮົາໆຈະເຮັດຫຍັງ ກໍສຸດແລ້ວ
ແຕ່ເຮົາເອງ ແລະ ວ່າການປ່ຽນແປງນີ້ຈະບໍ່ກະທົບເຖິງຖານະການເປັນເມືອງມໍຣະດົກໂລກແຕ່ຢ່າງໃດ. ເມື່ອກ່ອນ
ທາງການລາວ ມີແຜນການຢາກສ້າງເດີ່ນຍົນໃໝ່ທີ່ຢູ່ຫ່າງໄກເມືອງຫລວງພະບາງ ພ້ອມທັງຢາກພັດທະນາ ໃຫ້ເປັນ
ເມືອງທຸຣະກິດ.

ຫລາຍຄົນກໍວ່າເປັນຄວາມຄິດທີ່ດີເລີດເນື່ອງຈາກວ່າຈະອາໃສຊື່ສຽງຂອງເມືອງມໍຣະດົກໂລກນີ້ດືງດູດເອົານັກທຸຣະກິດ
ມາລົງທືນໃນແຂວງຫລວງພະບາງ.

RFA