Lao Traditional Calenda 2551 - Samakomlao Main

Members Login

Post Info

TOPIC: Lao Traditional Calenda 2551

Anonymous

Date: Nov 18, 2007

Lao Traditional Calenda 2551	Permalink

ປະກາດສັງຂານ ປະຕິທິນລາວ ແຫ່ງປີ ພ.ສ 2551 ປີ ຈຸນລະສັກກະຣາດ 1370, ຄິດທະສັກກະຣາດ 2008, ພຸດທະສັກກະຣາດ 2551, ປີຊວດ(ຮ້ວງໃຄ້), ທາງຈັນທະຄະຕິເປັນປີ ອະທິກະສຸຣະທິນ (ເດືອນສອງ ດັບ 14 ຄໍ່າ), ປົກກະຕິມາດ (ເດືອນແປດຫົນດຽວ), ປົກກະຕິວານ (ເດືອນເຈັດ ດັບ 14 ຄໍ່າ), ສ່ວນທາງສຸລິຍະຄະຕິນັ້ນ ກໍ່ເປັນປີອະທິກະສຸຣະທິນເຫມືອນກັນ (ເດືອນສອງສາກົນມີ 29 ມື້). ວັນສັງຂານລ່ວງ: ວັນອາທິດ ຂຶ້ນ 8 ຄໍ່າ ເດືອນ 5 ຈຸນລະສັກກະຣາດ 1369, ພຸດທະສັກກະຣາດ 2550 ກົງກັບວັນທາງສຸລິຍະຄະຕິ ວັນທີ 13 ເດືອນເມສາ ປີ ຄິດຕະສັກກະຣາດ 2008. ວັນສັງຂານເນົາ: ວັນຈັນ ຂຶ້ນ 9 ຄ່ຳ ເດືອນ 5 ຈຸນລະສັກກະຣາດ 1369, ພຸດທະສັກກະຣາດ 2550 ກົງກັບວັນທາງສຸລິຍະຄະຕິ, ວັນທີ 14 ເດືອນ ເມສາ ປີ ຄິດຕະສັກກະຣາດ 2008 (ເນົາວັນດຽວ). ວັນສັງຂານຂຶ້ນ: ວັນອັງຄານ ຂຶ້ນ 10 ຄ່ຳ ເດືອນ 5 ກົງກັບວັນທາງສຸລິຍະຄະຕິ, ວັນທີ 15 ເດືອນເມສາ ປີ ຄິດທະສັກກະຣາດ 2008 ເປັນມື້ຖະເຫຼີງສົກຂຶ້ນປີໃໝ່ລາວ, ແລະປ່ຽນ ຈ.ສ 1369, ພ.ສ 2550 ມາເປັນ ຈ.ສ 1370 ແລະ ພ.ສ 2551 ຕາມລຳດັບ, ເຊິ່ງຈະໄປສິ້ນສຸດໃນ ວັນພຸດ ແຮມ 6 ຄໍ່າ ເດືອນ 5 ເຊິ່ງເປັນ ມື້ສັງຂານເນົາແຫ່ງປີ ຈຸນລະສັກກະຣາດ 1371 ພຸດທະສັກກະຣາດ 2551 ກົງກັບ ວັນທີ 15 ເດືອນ ເມສາ ປີຄິດທະສັກກະຣາດ 2009. ນາງສັງຂານ: ນາງສັງຂານປະຈຳວັນອາທິດ, ນາງເທບທິດາ ອົງທີ 1 ຊົງພະນາມວ່າ “ ທຸງສະເທວີ ” ຊົງພະຫຸຣັດທັດດອກພິລາ ອາພອນປະດັບລ້ວນ ໄປດ້ວຍແກ້ວ ປັດຈະມະລາດ (ແກ້ວສີ ດອກພິລາ) ພັກສາຫານ ອຸທຸມພອນ ເປັນອາຫານ (ຫມາກເດື່ອ) ພະຫັດຂວາຊົງຖື ກົງຈັກ ພະຫັດຊ້າຍ ຊົງຖື ຫອຍສັງ ສະເດັດນັ່ງມາເໜືອຫຼັງພະຍາຄຸດເປັນພາຫະນະ. ເກນພິລຸນນະສາດ: ພະອາທິດເປັນອະທິບໍດີ ນາກຫຼີ້ນນ້ຳ 4 ຕົວ ບັນດານໃຫ້ຝົນຕົກ 400 ຫ່າ: ຕົກໃນຂອບເຂດຈັກກະວານ 160 ຫ່າ, ຕົກໃນປ່າຫິມະພານ 120 ຫ່າ, ຕົກໃນມະຫາ ສະໝຸດ 80 ຫ່າ ແລະ ຕົກໃນມະນຸດສະໂລກ 40 ຫ່າ. ເກນທາລາທິຄຸນ: ຕົກລາສີ ວາໂຍ ນ້ຳຈະມີພໍສົມຄວນ, ຈະມີລົມພັດມາຫຼາຍ ຈາກທຸກສາລະທິດ. ເກນທັນຍາຫານ: ຖືກຊື່ວ່າ ປັຈສິມະ ເຂົ້າກ້າໄຮ່ນາ ຈະໄດ້ຜົນແຕ່ 1 ສ່ວນ, ເສຍໄປ 5 ສ່ວນ, ໂພຊະນິຍາຫານ ຈະເປັນພໍຄວນ, ຫມາກໄມ້ຈະເກີດມີດ້ວງມີແມງ, ນາດອນແລະນາລຸ່ມຈະໄດ້ຮັບຜົນເທົ່າໆກັນ. ເກນກາລະໂຍກ: ວັນພຸດ ເປັນທຸງໄຊ, ວັນອັງຄານ ເປັນອາທິບໍດີ, ວັນອາທິດ ເປັນອຸບາດ ແລະ ວັນພະຫັດ ເປັນໂລກາວິນາດ. ຜົນການຄຳນວນ ຫໍລະຄຸນ ອັດຕາ: 500405, ກໍາມັດຊະພົນ ອັດຕາ: 37, ອະວະມານ ອັດຕາ: 245, ມາດສະເກນ ອັດຕາ: 16945, ອຸດຈະພົນ ອັດຕາ: 2056, ດິຖີ: 10, ວາລະ: 3. ການຄຳນວນທັງໝົດແມ່ນອີງຕາມຕຳລາ “ ໂຫລາສາດລາວ ພາກປັກຂະທິນ ໂດຍ ເຈົ້າ ເພັດຊະລາດ ລັດຕະນະວົງສາ ”. ການຄຳນວນດັ່ງກ່າວແມ່ນ ໃຊ້ໂປຣແກຣມຊ່ວຍ, ຜົນການຄຳນວນທາງຄະນິດສາດ ຈິ່ງມີຄວາມແນ່ນອນສູງ. ..................................................................... ໂດຍ: Luangprabang 2 Day webmaster. www.luangprabang2day.com/ __________________

Anonymous

Date: Nov 19, 2007

	Permalink
ສຽວແທນນາງສັງຂານ,ຄັນພາດຕົກຫລັງຄຸດຄືຊິເຈັບເຕີບ __________________

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse