ດ້ວຍກຽດອັນສູງສົ່ງທີ່ ສປປ ລາວ ເຮົາ ໄດ້ຮັບເປັນເຈົ້າພາບຈັດງານມະຫະກຳກິລາຊີເກມ ຄັ້ງທີ 25 ທີ່ຈະຈັດ
ຂື້ນໃນປີ 2009 ເຊິ່ງເປັນເຫດການຄັ້ງປະຫວັດສາດຂອງປະຊາຊົນລາວບັນດາເຜົ່າບໍ່ເຄີຍມີມາກ່ອນ ແລະ ດ້ວຍຄວາມເອກ
ອ້າງທະນົງໃຈ ເຮັດໃຫ້ງານດັ່ງກ່າວປະສົບຜົນສຳເລັດ ເພື່ອກຽດສັກສີ ແລະ ໃບຫນ້າໃບຕາຂອງລາວເຮົາ ດັ່ງນັ້ນ ພັກ-ລັດ
ຖະບານເຮົາ ຈຶ່ງໄດ້ທຸ້ມເທທຶນມະຫາສານ ສ້າງສະຫນາມກິລາແຫ່ງໃຫມ່ຂື້ນຢູ່ຫລັກ 15 ຖະຫນົນ 13 ໃຕ້ ເມືອງໄຊທານີ
ນະຄອນຫລວງວຽງຈັນ ເພື່ອເປັນສະຫນາມກິລາຮອງຮັບໃຫ້ແກ່ການແຂ່ງຂັນກິລາຫລາຍປະເພດ ຢູ່ໃນຈຸດດຽວກັນ.
               ຕາມການລາຍງານໃຫ້ຮູ້ຈາກນັກວິຊາການປະຈຳໂຄງການ ຫວ່າງມໍ່ໆຜ່ານມານີ້ ການກໍ່ສ້າງພາຍຫລັງທີ່ສຳ
ເລັດຈາກການປັບຫນ້າດິນແລ້ວ ມາເຖິງທ້າຍເດືອນພະຈິກ 2007 ກໍໄດ້ເຂົ້າສູ່ການກໍ່ສ້າງຮາກຖານ 6 ສະຫນາມກິລາ
ໃຫຍ່ໄປພ້ອມໆກັນຄື: ສະຫນາມໃຫຍ່ (ສະຫນາມເຕະບານ) ສະຫນາມກິລາໃນຮົ່ມ 2 ຫລັງ ສະລອຍນ້ຳ ສະຫນາມຍິງປືນ
ແລະ ເທັນນິດ ເຊິ່ງຄາດວ່າການກໍ່ສ້າງຫນ້າວຽກໂຄງສ້າງຕົວອາຄານຂອງ 6 ສະຫນາມ ຈະໃຫ້ສຳເລັດໃນເດືອນພຶດສະ
ພາ 2008 ຫລັງຈາກນັ້ນກໍຈະກ້າວເຂົ້າສູ່ການກໍ່ສ້າງຫນ້າວຽກອື່ນໆໃຫ້ສຳເລັດ ກ່ອນມື້ເປີດງານມະຫະກຳກິລາຊີເກມ
ຄັ້ງທີ 25 ປີ 2009.
               ສະຫນາມກິລາແຫ່ງດັ່ງກ່າວນີ້ ຖ້າສຳເລັດຈະສວຍງາມ ແລະ ສາມາດບັນຈຸຜູ້ເຂົ້າຊົມໄດ້ເຖິງ 20 ພັນຄົນຄືໃນ
ຮູບພາບຈຳລອງຂອງການກໍ່ສ້າງນີ້ ຈະມີລະບົບເສັ້ນທາງຫລາຍເສັ້ນໄປຫາສະຫນາມກິລາແຕ່ລະຈຸດ ມີສະຖານທີ່ຈອດ
ລົດ ມີທາງຄົນຍ່າງ ແລະ ມີຕົ້ນໄມ້ ດອກໄມ້ຫລາຍຊະນິດປະກອບເຂົ້າ ເພື່ອເຮັດໃຫ້ສະຖານທີ່ມີສີສັນງາມຕາເປັນຫນ້າດຶງ
ດູດຜູ້ເຂົ້າຊົມຫລາຍຂຶ້ນ.
See details and picture at:
http://www.vientianemai.net/news.php?TopicID=1&NewsID=783