New Nong Chanh market - Samakomlao Main

Members Login

Post Info

TOPIC: New Nong Chanh market

Anonymous

Date: Feb 11, 2008

New Nong Chanh market	Permalink

Volunteer to Translation this article into English is needed! ຕະຫລາດຂົວດິນ(ຫນອງຈັນ) ແມ່ນສູນບໍລິການສິນຄ້າທີ່ໃຫຍ່ແຫ່ງຫນຶ່ງຢູ່ໃນໃຈກາງເມືອງ ນະຄອນຫລວງວຽງຈັນ ຫລາຍປີມາແລ້ວ ໄດ້ກາຍເປັນບ່ອນແລກປ່ຽນ ຊື້-ຂາຍສິນຄ້າຕ່າງໆ ເພື່ອເຮັດໃຫ້ຕະຫລາດຫນອງຈັນມີໂສມຫນ້າໃຫມ່ມີລັກສະນະກ້າວຫນ້າທັນສະໄຫມ, ມີຄວາມ ສະອາດງາມຕາຂຶ້ນກວ່າເກົ່າ,ທັງອຳນວຍຄວາມສະດວກໃຫ້ຜູ້ປະກອບການຄ້າຂາຍແລະຕອບ ສະຫນອງຄວາມຮຽກຮ້ອງ ຕ້ອງການທີ່ມີການຂະຫຍາຍຕົວບໍ່ຢຸດຢັ້ງ. ທາງລັດຖະບານຈິ່ງໄດ້ ອະນຸມັດ ໃຫ້ໂຄງການພັດທະນາສູນການຄ້າ ລາວ-ຫວຽດ ຄົບວົງຈອນ ເພື່ອກໍ່ສ້າງຕະຫລາດ ຫນອງຈັນໃຫ້ທັນສະໄຫມ, ສະອາດ,ປອດໂປ່ງໃນເນື້ອທີ່ 11.143 ຕາແມັດ, ເພື່ອໃຫ້ໄດ້ວາງ ສິລາລຶກ ແລະ ດຳເນີນການກໍ່ສ້າງໃນຕົ້ນປີ 2008 ນີ້. ທາງບໍລິສັດຫຸ້ນສ່ວນລົງທຶນ ແລະພັດ ທະນາການຄ້າລາວ-ຫວຽດ ຈຳກັດ (LAVITRACO) ຜູ້ຮັບເຫມົາໂຄງການ ຈິ່ງໄດ້ກໍ່ສ້າງຕະ ຫລາດຊົ່ວຄາວຫນອງຈັນ ມາແຕ່ເດືອນ ກໍລະກົດປີ 2007 ເພື່ອຮອງຮັບ ແລະ ເຮັດໃຫ້ການ ຈຳຫນ່າຍສິນຄ້າຂອງຊາວຄ້າຂາຍຕໍ່ເນື່ອງ ຈົນມາຮອດເດືອນ ພະຈິກ ປີ 2007 ການກໍ່ສ້າງ ສຳເລັດໂດຍພື້ນຖານ ແລະໄດ້ຈັດພິທີເປີດນຳໃຊ້ຢ່າງເປັນທາງການນັບແຕ່ວັນທີ 31 ມັງກອນ 2008 ເປັນຕົ້ນມາ ເຊິ່ງມີຫ້ອງຂາຍເຄື່ອງທັງຫມົດ 276 ຫ້ອງ, ໂຕະ ແລະ ຮ້ານຂາຍເຄື່ອງ 124 ອັນ, ຈັດແບ່ງເຂດຕາມແຕ່ລະປະເພດສິນຄ້າ. ທັງນີ້ ຈິ່ງໃຫ້ຊາວຄ້າຂາຍຍົກຍ້າຍສິ່ງຂອງອອກຈາກພື້ນທີ່ກໍ່ສ້າງສູນການຄ້າແຫ່ງໃຫມ່ເຂົ້າ ໄປຢູ່ໃນຕະຫລາດໃຫມ່ຫນອງຈັນຊົ່ວຄາວ. ນີ້ ກໍເປັນການສ້າງຄວາມເປັນລະບຽບ ຮຽບຮ້ອຍ ແລະສະດວກສະບາຍໃນການຄຸ້ມຄອງຂອງຄະນະຈັດສັນຕະຫລາດໃຫ້ມີຄວາມສະຫງົບ, ເປັນ ລະບຽບຮຽບຮ້ອຍ, ຄວາມສະອາດບ່ອນຈອດລົດ ແລະ ອື່ນໆໃຫ້ມີຄວາມປອດໄພດີ ເພື່ອເຮັດ ໃຫ້ການຈໍລະຈອນສິນຄ້າ ຂອງທຸກພາກສ່ວນສະດວກສະບາຍ ແລະ ໄປຕາມກົນໄກຂອງຕະ ຫລາດຕໍ່ເນື່ອງ ແລະ ຮັບຜົນປະໂຫຍດຢ່າງແທ້ຈິງ. ນີ້ແມ່ນວຽກງານຫນຶ່ງທີ່ລັດຖະບານເລ່ງ ໃສ່ພັດທະນາທາງດ້ານການຄ້າ ຫັນໄປສູ່ຄວາມ ທັນສະໄຫມວອງໄວດີຂຶ້ນ ມັນຈິ່ງເປັນການດີສຳລັບຊາວຄ້າຂາຍຢາກຈະວາງຈຳຫນ່າຍສິນຄ້າ ຢູ່ສູນການຄ້າລາວ-ຫວຽດແຫ່ງໃຫມ່ ທີ່ຕະຫລາດຂົວດິນ ຫລື ຫນອງຈັນ. ນັ້ນແມ່ນບາດກ້າວ ໃຫມ່ຂອງການພັດທະນາຕະຫລາດ ເພື່ອຕອບສະຫນອງ ແລະ ຮອງຮັບເອົາຊາວຄ້າຂາຍໃນ ຂອບເຂດທົ່ວປະເທດໄດ້ຢ່າງພຽງພໍ. ການປັບປຸງຂະຫຍາຍຕະຫລາດຢູ່ໃນນະຄອນຫລວງວຽງຈັນ ກໍເປັນຈຸດຫມາຍຍຸດທະສາດ ອັນຫນຶ່ງຂອງລັດຖະບານ ໃນການພັດທະນາປະເທດເອົາຕະຫລາດເປັນບ່ອນຜູກພັນລະຫວ່າງ ຜູ້ຜະລິດ ກັບຜູ້ຈຳຫນ່າຍໃຫ້ມີການພົວພັນແລກປ່ຽນສິນຄ້ານຳກັນ ສ້າງຄວາມໃກ້ຊິດຕິດຈອດ ລະຫວ່າງບ້ານກັບເມືອງກັບແຂວງໃນຂົງເຂດການຄ້າ. ນີ້ແມ່ນບາດກ້າວໃຫມ່ຂອງນະຄອນຫລວງວຽງຈັນກໍຄືຕະຫລາດຫນອງຈັນທີ່ຈະມີສູນການ ຄ້າລາວ-ຫວຽດ ທັນສະໄຫມຄົບວົງຈອນ ເຊິ່ງຈະໄດ້ຮັບການກໍ່ສ້າງຂອງບໍລິສັດຫຸ້ນສ່ວນ ລົງ ທຶນ ແລະ ພັດທະນາການຄ້າລາວ-ຫວຽດ ຈຳກັດ ໃນຕົ້ນປີ 2008 ຢ່າງແນ່ນອນ. Source: Econ __________________

Anonymous

Date: Feb 11, 2008

	Permalink
Translation in short. In waiting of the new and modern Nong Chanh market this is non permanent Nong Chanh market. The new Don Chanh market will be built in 2008. __________________

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse