The ecom newspaper analysed the reason why Lao people like to exchange their money at general shops as followings:

(Need volunteer to translate this article)


ຍ້ອນຄົນລາວມີນິດໄສມັກງ່າຍ, ຄິດຍາກທີ່ຈະເຂົ້າໄປໃຊ້ບໍລິການຢູ່ນຳທະນາຄານບໍ່ວ່າຈະ ຕ້ອງການເງິນຕາຕ່າງປະເທດ ຫລືຕ້ອງການເງິນກີບກໍ່ຈະແລ່ນໄປຫາຮ້ານຂາຍເຄື່ອງທີ່ເຮັດບໍ ລິການແລກປ່ຽນເງິນຕາໄປພ້ອມ.

ສະພາບການດັ່ງກ່າວກໍ່ມີຫລາຍສາເຫດຕົ້ນຕໍ ແມ່ນຄວາມມັກງ່າຍ, ຍື່ນເງິນໃຫ້ແລ້ວກໍ່ຮັບ ເງິນເລີຍ ໂດຍບໍ່ຈຳເປັນຕ້ອງມີລາຍເຊັນ, ມີຂັ້ນຕອນຕ່າງໆ ທີ່ເຮັດໃຫ້ເສຍເວລາ ແລະ ຍ້ອນ ຄວາມເຄີຍຊິນກັບວິທີການດັ່ງກ່າວ ເຮັດໃຫ້ຄົນລາວໂດຍສະເພາະຜູ້ທີ່ມີເງິນ "ດ້າມຮ້ອຍ ຫມູ ນ້ອຍດ້າມໂຕ" ບໍ່ຢາກໄປໃກ້ ຮອດທະນາຄານຈົນກະທັ້ງປະຈຸບັນ ເຖິງທະນາຄານຈະເພີ່ມຈຸດ ແລກປ່ຽນເງິນຕາໃນຫລາຍໆຈຸດ ແຕ່ກໍ່ຍັງເຫັນວ່າຄົນຈະເຂົ້າໄປໃຊ້ບໍລິການຢ່າງບາງຕາ ຈະມີ ກໍ່ພຽງແຕ່ນັກທ່ອງທ່ຽວຕ່າງປະເທດ ຫລື ວ່າຄົນລາວສ່ວນໃດຫນຶ່ງ ທີ່ຢູ່ໃກ້ໆຈຸດແລກປ່ຽນດັ່ງ ກ່າວ ແຕ່ກໍ່ຕ້ອງຢູ່ໃນເງື່ອນໄຂທີ່ວ່າອັດຕາແລກປ່ຽນນັ້ນ ຈະບໍ່ຜິດດ່ຽງຕ່ຳກວ່າຫລືສູງກວ່າອັດ ຕາແລກປ່ຽນໃນຕະຫລາດມືດ.

ປະຊາຊົນທີ່ມີເງິນຕາຕ່າງປະເທດ ສ່ວນຫລາຍມັກຈົ່ມວ່າອັດຕາແລກ ປ່ຽນຢູ່ທະນາຄານ ນັ້ນຖືກກວ່າຢູ່ຕະຫລາດມືດ ແລະຜູ້ທີ່ມີເງິນກີບເມື່ອຕ້ອງການຈະແລກເອົາເງິນຕາຢູ່ຮ້ານແລກ ປ່ຽນເງິນຕາພັດບໍ່ໄດ້ທັງໆ ທີ່ວ່າເຂົາເຈົ້າມີຄວາມຈຳເປັນ ຫລື ຕ້ອງການໃຊ້ເງິນຕາໃນກໍລະນີ ຕ້ອງການໄປປິ່ນປົວພະຍາດ ຫລື ອອກເດີນທາງໄປຕ່າງປະເທດ.

ຍັງມີປະກົດການຫນຶ່ງທີ່ສັງຄົມບໍ່ເຂົ້າໃຈ ໂດຍສະເພາະກໍລະນີເງິນຕາຕ່າງປະເທດ ຢູ່ທ້ອງ ຕະຫລາດມືດ ແຂງຄ່າຜູ້ທີ່ຕ້ອງການເງິນ ເປັນຈຳນວນຫລາຍ ເພື່ອຊຳລະສະສາງຫນີ້ສິນກັບ ຕ່າງປະເທດ ຍັງຫັນໄປເພິ່ງຕະຫລາດມືດ ແລະ ຍອມຂາດທຶນ ຈາກສະພາບການຜິດດ່ຽງລະ ຫວ່າງທະນາຄານກັບຕະຫລາດມືດເປັນຈຳນວນບໍ່ຫນ້ອຍ.

ບັນຫາດັ່ງກ່າວ ແມ່ນປະກົດການຫຍໍ້ທໍ້ຫນຶ່ງ ທີ່ທັງຜູ້ດຳເນີນທຸລະກິດຂາອອກ-ຂາເຂົ້າຕ່າງ ກໍ່ຕ້ອງແກ້ໄຂ ເພາະຖ້າປ່ອຍໃຫ້ສະພາບດັ່ງກ່າວ ເກີດຂຶ້ນຊ້ຳແລ້ວຊ້ຳອີກ ບໍ່ເວລາໃດກໍ່ເວລາ ຫນຶ່ງຈະມີຜູ້ສວຍໂອກາດປີ້ນລາຄາແລກປ່ຽນເຮັດໃຫ້ເງິນຕາບໍ່ເຂົ້າທະນາຄານ ແລະຜູ້ປະກອບ ການຄ້າພົບບັນຫາໃນການຊຳລະສະສາງ ການພົວພັນການຄ້າກັບຕ່າງປະເທດ ຜູ້ລົງທຶນສ້າງ ໂຮງຈັກໂຮງງານ ກໍ່ຈະມີບັນຫາໃນການນຳເຂົ້າເຄື່ອງຈັກ ກໍ່ຄືວັດຖຸດິບມາສ້າງໂຮງງານ ແລະ ດຳເນີນການຜະລິດ ເພາະບໍ່ສາມາດໂອນເງິນຊຳລະຜ່ານທະນາຄານ ຫລື ບໍ່ສາມາດກູ້ຢືມເງິນ ຕານຳທະນາຄານ ຍ້ອນວ່າເງິນຕາບໍ່ໂຮມສູນຢູ່ທະນາຄານ ອັນເຮັດໃຫ້ມີສ່ວນກະທົບ ຕໍ່ໂຄງ ການລົງທຶນທີ່ສຳຄັນ ບໍ່ວ່າຈະເປັນໂຄງການກໍ່ສ້າງພື້ນຖານໂຄງລ່າງ, ໂຄງການລົງທຶນທີ່ຕ້ອງ ໃຊ້ເງິນຕາຕ່າງປະເທດເຊັ່ນ: ການຂະຫຍາຍເຄືອຂ່າຍໂທລະສັບ, ຖະຫນົນຫົນທາງ, ທາງລົດ ໄຟຕະຫລອດຮອດ ໂຄງການສຳຫລວດຂຸດຄົ້ນບໍ່ແຮ່ ກໍ່ຄືໂຄງການກໍ່ສ້າງເຂື່ອນໄຟຟ້າ ແລະ ການນຳເຂົ້ານ້ຳມັນເຊື້ອໄຟ ລ້ວນແຕ່ຕ້ອງຊຳລະເປັນເງິນຕາ ຖ້າບໍ່ມີເງິນຕາພຽງພໍພວກເຮົາກໍ່ ຈະພົບບັນຫາເງິນເຟີ້ ຍ້ອນຕ່າງຄົນຕ່າງກົດດັນ ເຮັດໃຫ້ເງິນຕາແພງຂຶ້ນ. ພ້ອມກັນນັ້ນ ກໍ່ຍັງ ມີບາງຄົນທີ່ມີເງິນກີບຫລາຍຊອກຫາແລກປ່ຽນເອົາເງິນຕາໄວ້ທັງໆທີ່ບໍ່ ໄດ້ນຳໃຊ້ເຂົ້າໃນທຸລະ ກິດອັນໃດ.
ທັງຫມົດນັ້ນແມ່ນປະກົດການຫນຶ່ງທີ່ສະທ້ອນໃຫ້ເຫັນເຖິງຄວາມມີວິໄນດ້ານການເງິນຂອງ ຄົນລາວ ແລະເພື່ອຈະແກ້ໄຂບັນຫາດັ່ງກ່າວຄົນ ລາວທຸກຄົນຕ້ອງເປັນເຈົ້າການນຳໃຊ້ເງິນກີບ ສ່ວນເງິນຕາຕ່າງປະເທດນັ້ນ ຄວນຫມູນເຂົ້າທະນາຄານ ເພື່ອບໍລິການລູກຄ້າ ທີ່ຈຳເປັນຕ້ອງ ນຳໃຊ້ເມັດເງິນດັ່ງກ່າວ ໃຫ້ໄດ້ຕາມຄວາມຕ້ອງການປະກອບສ່ວນໃນການຮັກສາຄ່າຂອງເງິນ ກີບ ກໍ່ຄືເຮັດໃຫ້ເງິນກີບມີສະຖຽນລະພາບຢ່າງຫມັ້ນຄົງ.

Source: ecom