The contest in searching for the best students from high school and secondary school around Vientiane came out with the following results:

High school level:
1. Mr Torviengher Jonkeu, from Vientiane Highschool
2. Miss Pakham Jangvisom, from Vientiane Highschool
3. Mr. Tonglee Lexaytou, from Vientiane Highschool
4. Miss. Phouvilay Soulanthone, from Vientiane Highschool

More info:

ຂ່າວ: ລັດດາພອນ
   ພະແນກສຶກສານະຄອນຫລວງວຽງຈັນ ໄດ້ຈັດຕັ້ງສະຫລຸບຜົນການສອບເສັງນັກຮຽນເກ່ງ ຂັ້ນປະຖົມ, ມັດທະຍົມຕອນຕົ້ນ, ມັດທະຍົມຕອນປາຍ ທົ່ວນະຄອນຫລວງວຽງຈັນຄັ້ງທີ XIII ສົກປີ2007-2008 ຂຶ້ນຢ່າງເປັນທາງການໃນວັນທີ 4 ເມສາ 2008. ໂດຍການເຂົ້າຮ່ວມເປັນ ປະທານຂອງທ່ານ ລີຕູ ບົວປາວ ລັດຖະມົນຕີຊ່ວຍວ່າການກະຊວງສຶກສາທິການ, ທ່ານ ສົມ ວັນດີ ນາຖະວົງ ຮອງເຈົ້າຄອງນະຄອນຫລວງ, ຕາງຫນ້າພະແນກສຶກສາປະຈຳນະຄອນຫຼວງ ແລະ ແຂກພາກສ່ວນທີ່ກ່ຽວຂ້ອງ, ບັນດາຄູ-ອາຈານ, ນັກຮຽນ, ນັກສຶກສາເຂົ້າຮ່ວມ.
   ທ່ານ ຄຳພວງ ຈູມມະລີ ວ່າການແທນຫົວຫນ້າພະແນກສຶກສາປະຈຳນະຄອນຫລວງ ໄດ້ ຂຶ້ນສະຫລຸບຜົນການສອບເສັງນັກຮຽນເກ່ງຂັ້ນນະຄອນຫລວງຄັ້ງນີ້ວ່າ: ການສອບເສັງນັກຮຽນ ເກ່ງ ແມ່ນມີຄວາມຫມາຍຄວາມສຳຄັນໃນການປະຕິບັດ 2 ແຜນງານ 4 ໂຄງການ ຂອງກະ ຊວງສຶກສາທິການວາງອອກເວົ້າລວມ, ເວົ້າສະເພາະກໍ່ແມ່ນເພື່ອປະຕິບັດຕາມ 11 ໂຄງການ ປະຈຳປີຂອງພະແນກສຶກສາປະຈຳນະຄອນຫລວງ, ພ້ອມກັນນີ້ ກໍ່ເປັນການສ້າງຂະບວນການ ເພື່ອຂ່ຳນັບ ຮັບຕ້ອນວັນສ້າງຕັ້ງພັກຄົບຮອບ 53 ປີ, ວັນແມ່ຍິງສາກົນ ວັນທີ 8 ເດືອນມີນາ ທີ່ຜ່ານມານັ້ນ. ໂດຍຕະຫລອດໄລຍະການແຂ່ງຂັນຄັ້ງນີ້ ກໍ່ມີຂໍ້ສະດວກ ແລະ ຂໍ້ຫຍຸ້ງຍາກປະ ປົນກັນໄປ ໂດຍຂໍ້ສະດວກແມ່ນໄດ້ມີທິດຊີ້ນຳຈາກຄະນະນຳນະຄອນຫລວງວຽງຈັນ ແລະກະ ຊວງສຶກສາທິການ, ຜູ້ບໍລິຫານສຶກສາແຕ່ລະຂັ້ນຄູ-ອາຈານ, ສະມາຄົມພໍ່-ແມ່ນັກຮຽນ ແລະຜູ້ ປົກຄອງເດັກ ມີຄວາມເຂົ້າໃຈຕໍ່ຄວາມສຳຄັນ ຂອງການກໍ່ສ້າງນັກຮຽນເກ່ງ. ພ້ອມທັງໄດ້ຮັບ ການຊຸກຍູ້ຈາກພາກສ່ວນລັດຖະບານ ແລະ ເອກະຊົນທີ່ໃຫ້ຄວາມຮ່ວມມືເປັນຢ່າງດີ ຈິ່ງເຮັດ ໃຫ້ການແຂ່ງຂັນສອບເສັງນັກຮຽນເກ່ງ ຂັ້ນນະຄອນຫລວງພວກເຮົາດຳເນີນໄປດ້ວຍດີ, ຄຽງຄູ່ ກັບຂໍ້ສະດວກດັ່ງກ່າວມານັ້ນ ມັນກໍ່ຍັງມີຂໍ້ຫຍຸ້ງຍາກໂດຍຜູ້ບໍລິຫານບາງໂຮງຮຽນຍັງບໍ່ທັນເອົາ ໃຈໃສ່ເທົ່າທີ່ຄວນຕໍ່ການກໍ່ສ້າງນັກຮຽນເກ່ງ, ເຊິ່ງສະແດງອອກໃນການສອບເສັງບາງນ້ອງນັກ ຮຽນຍັງບໍ່ສາມາດເອົາຄະແນນໄດ້.
   ໃນໂອກາດດັ່ງກ່າວນີ້ທ່ານ ລີຕູ ບົວປາວ ກໍ່ໄດ້ໃຫ້ກຽດຂຶ້ນມອບໃບຍ້ອງຍໍໃຫ້ແກ່ນ້ອງນັກ ຮຽນເກ່ງພ້ອມ ທັງກ່າວໂອ້ລົມຕັກເຕືອນແກ່ນ້ອງ ນັກຮຽນລວມໄປເຖິງບັນດາຄູ-ອາຈານ ເພື່ອ ໃຫ້ເອົາໃຈໃສ່ ແລະ ພະຍາຍາມຄົ້ນຄວ້າຮ່ຳຮຽນ, ສິດສອນຂຶ້ນຕື່ມ, ເຮັດໃຫ້ປະເທດລາວເຮົາ ເປັນປະເທດຫນຶ່ງ ທີ່ວຽກງານຂົງເຂດການສຶກສານັບມື້ນັບມີການພັດທະນາຂຶ້ນເທື່ອລະກ້າວ.
   ສຳລັບຜົນການແຂ່ງຂັນນັ້ນຂັ້ນມັດທະຍົມຕອນປາຍປະເພດທີ 1 ມີທັງຫມົດ 4 ຄົນ ເຊິ່ງ ມີ ທ້າວ ທໍ່ວຽງເຮີ ຈົງຄື້ ມ.6 ມາຈາກ ມ.ສ ວຽງຈັນ, ນາງ ປາຄຳ ຈາງວິສົມ ມິດ ມ.6 ມາ ຈາກ ມ.ສ ວຽງຈັນ, ທ້າວ ຕົ່ງລີ ລີໄຊຕູ້ ມ.6 ມາຈາກ ມ.ສ ວຽງຈັນ, ນາງ ພູວິໄລ ສຸເລນ ທອນ ມ.6 ມາຈາກ ມ.ສ ວຽງຈັນ, ມັດທະຍົມຕອນຕົ້ນປະເພດ 1 ມີ 2 ຄົນຄື: ນາງ ອານິ ຕ້າ ສີຫາປັນຍາ ມ.3 ມາຈາກມ.ຕົ້ນ ສິນໄຊ, ທ້າວ ຈິດປະສົງ ແກ້ວນະຄອນ ມ.3 ມາຈາກ ມ.ຕົ້ນສີສະຫວາດ. ສ່ວນຂັ້ນປະຖົມສົມບູນມີ 3 ຄົນຄື: ນາງ ພຸດທະປານີ ວົງສຸວັນ ປ.5 ມາ ຈາກປະຖົມຫງວຽນຢູ, ທ້າວ ຕາວັນວິ ຈິດໄຊຍະກອນ ປ.5 ມາຈາກປະຖົມສິນໄຊ ແລະທ້າວ ອະພິຈັດຫານຊະນະ ປ.5 ມາຈາກປະຖົມນິຣະດາ.

Source: ecom