ຊາຍລາວທີ່ໃຊ້ຢາກະຕູ້ນທາງເພດ (sex) ຈົ່ງລະວັງ !! - Samakomlao Main

Members Login

Post Info

TOPIC: ຊາຍລາວທີ່ໃຊ້ຢາກະຕູ້ນທາງເພດ (sex) ຈົ່ງລະວັງ !!

Anonymous

Date: Apr 23, 2007

ຊາຍລາວທີ່ໃຊ້ຢາກະຕູ້ນທາງເພດ (sex) ຈົ່ງລະວັງ !!	Permalink

ລະວັງຢາກະຕຸ້ນທາງເພດເປັນ ອັນຕະລາຍຮ້າຍແຮງຕໍ່ສຸຂະພາບ ກົມອາຫານ ແລະ ຢາ ກະຊວງສາທາລະນະສຸກ ໄດ້ມີແຈ້ງການສະບັບເລກທີ 1575/07 ກອຢ, ລົງວັນທີ 2/4/2007 ກ່ຽວກັບຢາກະຕຸ້ນທາງເພດເປັນອັນຕະລາຍຮ້າຍແຮງຕໍ່ສຸຂະພາບ ເຊິ່ງເນື້ອໃນແຈ້ງການໄດ້ລະບຸວ່າ: ຕາມແຫລ່ງຂ່າວຈາກອົງການວິທະຍາສາດ ສາທາລະນະສຸກ ຂອງປະເທດສິງກະໂປ, ຄັ້ງວັນທີ 08 ມີນາ 2007 ໄດ້ແຈ້ງໃຫ້ຮູ້ວ່າ: ໃນປະຈຸບັນໄດ້ມີການນຳໃຊ້ຢາກະຕຸ້ນທາງເພດຢ່າງແຜ່ຫລາຍທັງຢູ່ພາຍໃນ ແລະ ຂົງເຂດພາກພື້ນ. ຢາດັ່ງກ່າວມີຊື່ການຄ້າວ່າ: ອູຣັດມາດູ (Urat Madu) ທີ່ມີສານ ຊິລເດນາຟີລ (Sildenafil) ເປັນຕົວຢາຕົ້ນຕໍ ໂດຍສະກັດມາຈາກຢາພື້ນເມືອງຊະນິດໜຶ່ງ ຊຶ່ງຜະລິດ ແລະ ຈຳໜ່າຍຢ່າງຜິດກົດໝາຍທີ່ຜະລິດຈາກປະເທດໃກ້ຄຽງ. ຕາມແຫລ່ງຂໍ້ມູນໃຫ້ຮູ້ອີກວ່າ: ໄດ້ມີຜູ້ບໍລິໂພກຈຳນວນໜຶ່ງ ພາຍຫລັງທີ່ຮັບປະທານຢານີ້ເຂົ້າໄປແລ້ວ ໄດ້ເກີດມີອາການຂ້າງຄຽງຮ້າຍແຮງຫລາຍຢ່າງຄື: ຕາບໍ່ເຫັນຮຸ່ງໃນໄລຍະໜຶ່ງ, ຫົວໃຈເຕັ້ນໄວຜິດປົກກະຕິ ແລະ ຄວາມດັນເລືອດຕຳ່ ໂດຍສະເພາະກັບຜູ້ທີ່ເປັນພະຍາດຫົວໃຈ ອາດເຖິງແກ່ຊີວິດໄດ້. ໃນໄລຍະຜ່ານມາຢູ່ ສປປ ລາວ ເຈົ້າໜ້າທີ່ທີ່ກ່ຽວຂ້ອງ ກໍ່ເຄີຍໄດ້ກວດພົບຢາກະຕຸ້ນທາງເພດຊະນິດອື່ນໆ ທີ່ຈໍລະຈອນຈຳໜ່າຍຜິດຕໍ່ລະບຽບຫລັກການ ແລະ ໄດ້ປະຕິບັດມາດຕະການມາແລ້ວ.ສະນັ້ນ, ກົມອາຫານ ແລະ ຢາ ກະຊວງສາທາລະນະສຸກ ຈຶ່ງແຈ້ງມາຍັງທຸກທ່ານ ຄວນຫລີກເວັ້ນການບໍລິໂພກຢາດັ່ງກ່າວ ເພື່ອສະກັດກັ້ນການລັກລອບການນຳເຂົ້າຈໍລະຈອນຈຳໜ່າຍຢາປະເພດດັ່ງກ່າວ ຈຶ່ງຮຽກຮ້ອງມາຍັງເຈົ້າໜ້າທີ່ທີ່ກ່ຽວຂ້ອງຈົ່ງໃຫ້ຄວາມຮ່ວມມື ໂດຍສະເພາະເຈົ້າໜ້າທີ່ອາຫານ ແລະ ຢາ ທຸກຂັ້ນໃນທົ່ວປະເທດ, ເປັນເຈົ້າການໃນການຕິດຕາມກວດກາໃນກໍລະນີພົບເຫັນມີການຈຳຫນ່າຍຊື້ຂາຍຢາດັ່ງກ່າວ ຈົ່ງອາຍັດ ແລະ ພ້ອມກັນທຳລາຍຖິ້ມຕາມລະບຽບການແລ້ວລາຍງານໄປຍັງກົມອາຫານ ແລະ ຢາໃນເວລາອັນຄວນດ້ວຍ. __________________

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse