Members Login
Username 
 
Password 
    Remember Me  
Samakomlao -> Samakomlao Main -> General -> Inside new Chinese shopping mall in Vientiane, check !
Post Info TOPIC: Inside new Chinese shopping mall in Vientiane, check !
samakomlao


Guru

Status: Offline
Posts: 1451
Date:
Inside new Chinese shopping mall in Vientiane, check !
Permalink   



ເພື່ອສ້າງໃຫ້ນະຄອນຫລວງວຽງຈັນ ກາຍເປັນສູນກາງທາງດ້ານເສດຖະກິດ-ການເມືອງ.ພັກ -ລັດຈິ່ງ ໄດ້ສຸມການລົງທຶນທັງພາຍໃນ ແລະຕ່າງປະເທດເຂົ້າໃສ່ການປັບປຸງສູນການຄ້າການ ບໍລິການຕ່າງໆ.ດ້ວຍເຫດນັ້ນ ໄລຍະຜ່ານມາຈິ່ງມີຫລາຍໂຄງການເຂົ້າມາລົງທຶນເປີດສູນການ ຄ້າຄົບວົງຈອນບໍ່ວ່າຈະເປັນສູນການຄ້າລາວ-ໄອເຕັກໄດ້ກາຍເປັນສະຖານທີ່ວາງສະແດງແລະ ຂາຍຜະລິດຕະພັນສິນຄ້າທັງພາຍໃນ ແລະ ຕ່າງປະເທດ; ໃນແຕ່ລະເດືອນໄດ້ມີການວາງສະ ແດງສິນຄ້າເຊິ່ງສາມາດດຶງດູດລູກຄ້າໄດ້ຢ່າງຫລວງຫລາຍ. ຂະນະທີ່ຕະຫລາດເຊົ້າມໍເຊິ່ງເປັນ ໂຄງການພັດທະນາສູນການຄ້າທີ່ທັນສະໄຫມ ຂອງນັກລົງທຶນຊາວສິງກະໂປ ທີ່ຕ້ອງການປັບ ປ່ຽນຮູບລັກຂອງຕະຫລາດເຊົ້າ ກໍໄດ້ສຳເລັດໂຄງການໄລຍະທີຫນຶ່ງ ແລະ ໄດ້ມີການຊື້ຂາຍ ສິນຄ້າກັນມາຫລາຍເດືອນແລ້ວ.
   ໂດຍແນເຫັນຕະຫລາດ ແລະກຳລັງການຊື້ທີ່ພວມຂະຫຍາຍໂຕຢ່າງຕໍ່ເນື່ອງ ແລະ ແຂງ ແຮງນັ້ນ, ນັກທຸລະກິດຊາວຈີນ ຈິ່ງມີຄວາມຄິດລິເລີ່ມໃນການລົງທຶນສ້າງສູນການຄ້າຂະໜາດ ໃຫຍ່ ເຊິ່ງເນັ້ນຮອງຮັບບັນດາພໍ່ຄ້າ ແລະ ນັກທຸລະກິດຊາວຈີນ ທີ່ພວມຊອກຫາຕະຫລາດ ແຫ່ງໃຫມ່ ໂດຍມີການລົງທຶນທັງຫມົດ 18 ກວ່າລ້ານໂດລາສະຫະລັດ ໂດຍແບ່ງເປັນ 3 ໄລ ຍະໂຄງການ, ມາວັນທີ 1 ເດືອນສິງຫານີ້ ໂຄງການໄລຍະຫນຶ່ງ ຫລື ເອີ້ນວ່າ: ສູນການຄ້າ ຊັ່ງຈ່ຽງສາກົນ ເຊິ່ງນັບວ່າເປັນສູນການຄ້າທີ່ໃຫຍ່ ແລະ ທັນສະໄຫມສົມຄວນ ນັ້ນຄືໂຄງການ ສູນການຄ້າຕະຫລາດຊັ່ງຈ່ຽງ, ຕັ້ງຢູ່ບ້ານອູບມຸງເມືອງສີໂຄດຕະບອງ ນະຄອນຫລວງວຽງຈັນ ໄດ້ມີພິທີເປີດບໍລິການຢ່າງເປັນທາງການ ເຊິ່ງນັບວ່າເປັນອີກຫນຶ່ງສູນການຄ້າທາງເລືອກໃຫມ່ ຂອງພໍ່ຄ້າຊາວຂາຍ ແລະ ລູກຄ້າໃນນະຄອນຫລວງວຽງຈັນ, ຕ່າງແຂວງ ຫລື ແມ່ນແຕ່ນັກ ທ່ອງທ່ຽວຈາກຕ່າງປະເທດ ສາມາດມາຈັບຈ່າຍຊື້-ຂາຍຢ່າງສະດວກສະບາຍ.

   ໂຄງການກໍ່ສ້າງສູນການຄ້າຊັ່ງຈ່ຽງສາກົນນີ້ ມີມູນຄ່າການກໍ່ສ້າງຫລາຍເຖິງ 6 ລ້ານໂດ ລາສະຫະລັດ, ມີເນື້ອທີ່ກໍ່ສ້າງ 36.000 ຕາແມັດ, ມີຫ້ອງຂາຍສິນຄ້າທັງຫມົດ 300 ຫ້ອງ, ເຊິ່ງໄດ້ເລີ່ມກໍ່ສ້າງມາແຕ່ເດືອນກັນຍາປີ 2006 ມາຮອດກາງ ປີ 2007 ກໍໄດ້ກໍ່ສ້າງສຳເລັດ ເຊິ່ງໄດ້ມີພິທີເປີດບໍລິການຢ່າງເປັນທາງການໃນວັນທີ 1 ສິງຫາຜ່ານມານີ້. ສູນການຄ້າແຫ່ງນີ ນັບວ່າເປັນອີກສະຖານທີ່ຫນຶ່ງທີ່ຈະດຶງດູດນັກຊື້ເຄື່ອງທັງຫລາຍເພາະຖືເປັນສູນການຄ້າທີ່ໃຫຍ່ ທີ່ສຸດ ໂດຍສະເພາະ ຈຳນວນຜະລິດຕະພັນສິນຄ້າຂອງ ຈີນ ຢູ່ໃນພາກພື້ນອາຊີຕາເວັນອອກ ສຽງໃຕ້. ພາຍໃນສູນດັ່ງກ່າວໄດ້ມີສິນຄ້າຫລາກຫລາຍປະເພດເຊິ່ງເປັນສິນຄ້າທີ່ມີຄຸນນະພາບ ນຳເຂົ້າມາຈາກ ສປ ຈີນ ນັບແຕ່ເຄື່ອງເຟີນີເຈີ, ໂທລະຄົມ, ເຄື່ອງຕົບແຕ່ງພາຍໃນຕະຫລອດ ຮອດສິນຄ້າອຸປະໂພກ ແລະ ບໍລິໂພກຕ່າງໆຢ່າງຫລວງຫລາຍ ໃຫ້ທ່ານເລືອກຊື້ເລືອກຫາ. 

   ສຳລັບໂຄງການໄລຍະ 2 ແລະ 3ກໍມີມູນຄ່າໂຄງການລະ 6 ລ້ານໂດລາສະຫະລັດໂດຍ ຈະສ້າງເປັນສຳນັກງານຫ້ອງ ແລະ ໂຮງແຮມໃນສະຖານທີ່ດັ່ງກ່າວ. ຫາກບັນດາໂຄງການ ທັງຫມົດສຳເລັດລົງ ຈະເຮັດໃຫ້ສູນການຄ້າຊັ່ງຈ່ຽງສາກົນ ກາຍເປັນສູນການຄ້າທີ່ຄົບວົງຈອນ ທີ່ສຳຄັນແຫ່ງຫນຶ່ງ ຂອງເມືອງຫລວງວຽງຈັນ ກໍຄືປະເທດລາວທີ່ຈະມີການຈັບຈ່າຍຊື້ - ຂາຍ ຫລາຍໆພັນລ້ານໃນແຕ່ລະວັນ.

source: ecom

__________________
samakomlaoiconsz6.gif Make yourself visible, signup at samakomlao webboard. HERE
Anonymous

Date:
Permalink   

Wow it looks clean and nice. All shops selling clothes should look like this one.



__________________
Anonymous

Date:
Permalink   

can someone help me to locate the new chinese market on a Vientiane map? where is it exactly? close to some famous place/monument?

or maybe someone can give me google map/earth coordinates?

thanks

__________________
Page 1 of 1  sorted by
Quick Reply

Please log in to post quick replies.
Samakomlao -> Samakomlao Main -> General -> Inside new Chinese shopping mall in Vientiane, check !
Tweet this page Post to Digg Post to Del.icio.us


Create your own FREE Forum
Report Abuse 		Powered by ActiveBoard