This is a very good news from Phongsavanh bank, the only 5-star bank in Laos. In the next 3 years from now, the bank will install 100 ATM in 3 big provinces: Vientiane, Luang Prabang and Savannakhet. By the end of 2010, the plan to install ATM in every provinces in Laos. More info read the lao version news



ທະນາຄານພົງສະຫວັນ ກຽມຕິດຕັ້ງຕູ້ເອທີເອັມໃນຕົ້ນເດືອນກັນຍາ ໃນ 3 ແຂວງ, ຄາດ ວ່າຈະສຳເລັດທົ່ວປະເທດພາຍໃນອີກ 3 ປີ ຂ້າງຫນ້າ. ທ່ານ ຟອດ ເຟຍ ລະບຸວ່າ: ຖ້າການ ຕິດຕັ້ງຕູ້ເອທີເອັມ ສຳເລັດຈະມີຈຳນວນລູກຄ້າເພີ່ມຂຶ້ນເຖິງແສນກວ່າຄົນ, ລວມເຖິງຍອດເງິນ ເຕີບໃຫຍ່ເຖິງ 15%. ພາຍໃນປີ 2010 ຈະກາຍເປັນທະນາຄານທາງເລືອກລະດັບ 5 ດາວ.

   ກ່ຽວກັບເລື່ອງນີ້ ທ່ານ ຟອດ ເຟຍ, ອຳນວຍການທະນາຄານພົງສະຫວັນໄດ້ເປີດເຜີຍວ່າ: ພາຍຫລັງ ທະນາຄານພົງສະຫວັນ ໄດ້ເຊັນສັນຍາຊື້ຕູ້ເອທີເອັມ ຈຳນວນ 100 ຕູ້ ມູນຄ່າ 2 ລ້ານກວ່າໂດລາສະຫະລັດ ກັບ ບໍລິສັດ Diebold ຈຳກັດ ແລະ ບໍລິສັດ Position ຈຳກັດ ຈາກປະເທດໄທ ໃນທ້າຍເດືອນກໍລະກົດຜ່ານມານີ້. ທະນາຄານພົງສະຫວັນຈະເລີ່ມຕິດຕັ້ງຕູ້ ເອທີເອັມ ພາຍໃນຕົ້ນເດືອນກັນຍານີ້. ໂດຍຈະເລີ່ມ 3 ເຂດເສດຖະກິດຂະຫຍາຍຕົວໄວເປັນ ຕົ້ນ ນະຄອນຫລວງວຽງຈັນ ຈຳນວນ 8 ຕູ້. ສ່ວນຫລວງພະບາງ ແລະ ສະຫວັນນະເຂດຍັງ ບໍ່ທັນສາມາດລະບຸຈຳນວນຕູ້ໄດ້ເທື່ອ. ຄາດວ່າພາຍໃນປີ 2007 ຈະຕິດຕັ້ງສຳເລັດ.

   ສ່ວນ 14 ແຂວງທີ່ຍັງເຫລືອ ທະນາຄານພົງສະຫວັນ ມີແຜນຈະຕິດຕັ້ງໃຫ້ສຳເລັດພາຍ ໃນປີ 2009 ທ່ານ ຟອດ ເຟຍ ລະບຸວ່າ: ຖ້າຫາກວ່າທະນາຄານພົງສະຫວັນ ຕິດຕັ້ງຕູ້ເອທີ ເອັມສຳເລັດຕາມແຜນການວາງໄວ້, ທະນາຄານພົງສະຫວັນຈະມີຕົວເລກລູກຄ້າພຸ່ງຂຶ້ນບັນລຸ 125.000 ຄົນ ຈາກຕົວເລກລູກຄ້າໃນປະຈຸບັນ 7.000 ຄົນ, ຂະນະດຽວກັນ ທ່ານຍັງໄດ້ລະ ບຸອີກວ່າ: ຈາກຕົວເລກທີ່ສູງຂຶ້ນຄືດັ່ງກ່າວນັ້ນ, ຈະເຮັດໃຫ້ທະນາຄານພົງສະຫວັນມີຍອດເງິນ ສູງຂຶ້ນເຖິງ 15% ຖ້າທຽບໃສ່ຍອດເງິນທະນາຄານທັງ7 ໃນ ສປປ ລາວ ຈາກຕົວເລກຍອດ ບັນຊີເງິນຝາກໃນທະນາຄານພົງສະຫວັນໃນປະຈຸບັນມີພຽງ 4 ລ້ານກວ່າໂດລາສະຫະລັດ. 

   ທ່ານ ຍັງລະບຸອີກວ່າ: ຄາດວ່າພາຍໃນປີ 2010 ທະນາຄານພົງສະຫວັນ ຈະເປັນທະນາ ຄານທາງເລືອກລະດັບ 5 ດາວ ໂດຍຈະເນັ້ນການບໍລິການທີ່ດີໃຫ້ແກ່ລູກຄ້າທີ່ມາໃຊ້ບໍລິການ ເຊິ່ງຈະສາມາດແຂ່ງຂັນເທົ່າທຽມກັບທະນາຄານອື່ນໄດ້.

   ປະຈຸບັນ ທະນາຄານພົງສະຫວັນ ໄດ້ຂະຫຍາຍສາຂາໄປແຂວງສະຫວັນນະເຂດຄາດວ່າ ອີກບໍ່ດົນຈະຂະຫຍາຍໄປແຂວງຈຳປາສັກ ແລະ ຫລວງພະບາງ, ມູນຄ່າການກໍ່ສ້າງທ່ານຍັງ ບໍ່ທັນລະບຸອອກມາເປັນຕົວເລກໄດ້ເທື່ອ.

Source: ecom