Systa from France won the bidding for railway design and construction in Laos.
More info from ecom newspaper as follow:

ຕົ້ນເດືອນຕຸລາ 2007 ໄດ້ຄັດເລືອກບໍລິສັດທີ່ຊະນະການປະມູນ ເຊິ່ງເປັນບໍລິສັດທີ່ມີລາຄາ ຕ່ຳແຕ່ດ້ານເຕັກນິກສູງຄື: ບໍລິສັດຊີສະຕຣາ(systra) ຈາກປະເທດຝຣັ່ງ ມີລາຄາປະມູນລວມ ພຽງແຕ່ 246.565 ເອີໂຣ (ປະມານ 3.193.509.880 ກີບ) ເປັນລາຄາຕ່ຳກວ່າຫມູ່ ໃນຈຳ ນວນ 9 ບໍລິສັດຄື: ຝຣັ່ງ 3ບໍລິສັດ, ການາດາ 1 ບໍລິສັດ ແລະໄທ 5 ບໍລິສັດ. ດັ່ງນັ້ນ, ຈິ່ງ ຈັດພິທີເຊັນສັນຍາກັນ ຂຶ້ນລະຫວ່າງອົງການທາງລົດໄຟ ກະຊວງໂຍທາທິການ ແລະ ຂົນສົ່ງ ແລະ ບໍລິສັດ systra ທີ່ໂຮງແຮມເສດຖາປາລັດ ນະຄອນຫລວງວຽງຈັນໃນວັນທີ 3 ທັນວາ 2007.

ພິທີເຊັນສັນຍາຄັ້ງນີ້ ຕາງຫນ້າກະຊວງໂຍທາທິການ ແລະ ຂົນສົ່ງແມ່ນ ທ່ານ ສອນສັກ ນໍຍານຊະນະ ຮອງຫົວຫນ້າອົງການທາງລົດໄຟ ກະຊວງໂຍທາທິການ ແລະຂົນສົ່ງ ແລະ ຜູ້ ຕາງຫນ້າບໍລິສັດ systra ແມ່ນທ່ານ ລຸກ ວໍຣິວຮອນ (Luk VORILHON) ຜູ້ຈັດການຝ່າຍ ການຕະຫລາດຂອງບໍລິສັດsystra ຊ້ອງຫນ້າທ່ານດຣ. ບຸນເຫລືອມ ສີສຸລາດ ຫົວຫນ້າຫ້ອງ ການກະຊວງໂຍທາທິການ ຕາງຫນ້າກະຊວງ ໂຍທາທິການ ແລະ ຂົນສົ່ງ ພ້ອມດ້ວຍບັນດາ ທ່ານ ຄະນະຜູ້ປະມູນ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.
ໂຄງການດັ່ງກ່າວ ແມ່ນໄດ້ທຶນຊ່ວຍເຫລືອລ້າຈາກ AFD ອົງການຝຣັ່ງ ເພື່ອການພັດທະ ນາ (Groupe Agence Francais de Development) ແລະການເຊັນສັນຍາຄັ້ງນີ້ ເປັນ ພິທີເຊັນສັນຍາວ່າ: ຈ້າງບໍລິສັດທີ່ປຶກສາ ໂຄງການສຶກສາຄວາມເປັນໄປໄດ້ ແລະ ອອກແບບ ລະອຽດ ທາງລົດໄຟໄລຍະ 2 ແຕ່ສະຖານີທ່ານາແລ້ງ-ສະຖານີວຽງຈັນ (ບ້ານຄຳສະຫວາດ) ຍາວ 9 ກິໂລແມັດ.

ພາຍຫລັງການເຊັນສັນຍາກໍຈະໄດ້ດຳເນີນສຶກສາຄວາມເປັນໄປໄດ້ ແລະ ອອກແບບລະອຽດທາງລົດໄຟໃນມໍ່ໆນີ້.
ຊອງປະມູນໄດ້ຮັບການປະກາດໃນວັນທີ 6 ມີນາ 2007 ໃນນັ້ນ ມີຊອງເຂົ້າຮ່ວມປະມູນ ຈຳນວນ 9 ບໍລິສັດ(ຝຣັ່ງ 3 ບໍລິສັດ, ການາດາ 1ບໍລິສັດ, ໄທ 5 ບໍລິສັດ) ຕໍ່ມາຈິ່ງໄດ້ຄັດ ເລືອກບໍລິສັດມາດຕະຖານຄື: ເອົາປະເທດຫນຶ່ງບໍ່ເກີນ 2 ບໍລິສັດ ຫມາຍຄວາມວ່າ ຍັງເຫລືອ 5 ບໍລິສັດຈາກນັ້ນ, ກໍໄດ້ຄັດເລືອກດ້ານເຕັກນິກ ແລະດ້ານການເງິນຜົນສຸດທ້າຍບໍລິສັດ sy- stra ເປັນບໍລິສັດທີ່ມີລາຄາປະມູນຕ່ຳແຕ່ດ້ານເຕັກນິກສູງຈິ່ງຊະນະການປະມູນ ແລະເຊັນສັນ ຍາຢ່າງເປັນທາງການ.

Ecom