Laotian bike racer go to attend bike racing in France.
ຄົມສະຖິດ ເດີນທາງໄປແຂ່ງລົດ Super Bike ທີ່ປະເທດຝຣັ່ງ
ພາຍຫລັງໄດ້ຮັບລາງວັນທີ 1 ທີ່ສະຫນາມ BARA Ciruil International ທີ່ພັດທະຍາ (ປະເທດໄທ)ເຊິ່ງສະມາຄົມ Super Bike ແຫ່ງປະເທດໄທຈັດຂຶ້ນເມື່ອຕົ້ນເດືອນມີນາທີ່ຜ່ານ ມາ, ຄົມສະຖິດ ສິດທິວໍລະວົງ (ໂຕ້) ຊາຍເຊື້ອຊາດລາວ ອາຍຸ 35 ປີ ກໍ່ກຽມຕົວໄປແຂ່ງຂັບ ລົດຈັກ ໃນລາຍການຊີງແຊ໋ມແຫ່ງປະເທດຝຣັ່ງຕໍ່.
   ທ້າວ ຄົມສະຖິດ ເກີດທີ່ບ້ານທ່າພະ ເມືອງຫາດຊາຍຟອງ ນະຄອນຫລວງວຽງຈັນ. ເຂົາ ມີໂອກາດໄດ້ໄປສຶກສາທີ່ປະເທດຝຣັ່ງໃນປີ 1982.
   ຜົນງານຜ່ານມາ: ໂຕ້ເຄີຍເຂົ້າຊີງຂັນຄຳໂລກທີ່ປະເທດຝຣັ່ງແຂ່ງ 24ຊົ່ວໂມງໃນປີ 2005 ໄດ້ອັນດັບ 1 ໃນລາຍການແຂ່ງຂັນລົດຈັກ 600ຊີຊີ ແລະ ໃນປີດຽວກັນຍັງໄດ້ອັນດັບ 2 ໃນ ລາຍການPau Ornos ທີ່ປະເທດຝຣັ່ງໃນປີ 2006ໄດ້ທີ 15 ໃນການແຂ່ງຂັນລົດຈັກ 1000 ຊີຊີ ຊີງແຊ໋ມປະເທດຝຣັ່ງ.
   ໃນການລົງສະຫນາມທີ່ປະເທດຝຣັ່ງຄັ້ງນີ້ ຈະໄດ້ແຂ່ງຂັນ 22 ຮອບ, ໃນໄລຍະທາງຮອບ ຫນຶ່ງ 3.500 ແມັດ, ຈະໃຊ້ເວລາ 1:35 ວິນາທີຕໍ່ 1 ຮອບ.
   ໂຕ້ຈະໄປໃຫ້ທັນລົງສະຫນາມ Nogaro ເຊິ່ງເປັນສະຫນາມທີ່ໃຫ້ບຸລິມະສິດແກ່ໂຕ້ ແລະ ໂຕ້ ກໍ່ເປັນຕົວແທນອັນດັບຫນຶ່ງໃນການສ້າງຊື່ສຽງໃຫ້ແກ່ສະຫນາມນີ້ມາແລ້ວເຊິ່ງຈະແຂ່ງຂັນ ໃນວັນທີ 7-8 ມິຖຸນາ 2008 ທີ່ສະຫນາມ ASM (32) Armagnac, ວັນທີ 26-27 ກໍລະ ກົດ 2008 ແຂ່ງທີ່ສະຫນາມ Zemans(72) ASM 24ຊົ່ວໂມງ Aco , ວັນທີ 30-31 ສິງ ຫາ 2008 ແຂ່ງທີ່ ສະຫນາມ Canole (93) MC Lesigny.
ວັນທີ 13-14 ກັນຍາ 2008 ແຂ່ງຊີງແຊ໋ມປະເທດຝຣັ່ງຮອບຕັດສິນທີ່ສະຫນາມ Lede- non (30) MC Ledenon.
   ທ່ານ ຄົມຄິດ ສິດທິວໍລະວົງ ຜູ້ຈັດການຂອງ ໂຕ້ໃຫ້ຮູ້ວ່າ: ເຂົາຈະກັບມາຮອດເມືອງລາວ ກ່ອນບຸນຊ່ວງເຮືອ ປະຈຳປີນີ້ (ປະມານວັນທີ 1-2 ພະຈິກ 2008 ເຊິ່ງຈະນຳເອົາເຄື່ອງແຕ່ ລົດມາຈາກຝຣັ່ງ ເພື່ອກຽມຕົວເຂົ້າແຂ່ງຂັນຢູ່ປະເທດໄທອີກ. ຖ້າມີການສະຫນັບສະຫນູນທີ່ດີ ໄຊຊະນະອາດມີສູງ. ໂຕ້ອອກເດີນທາງໄປຝຣັ່ງ ໃນກາງອາທິດທີ່ຜ່ານມາ (ວັນທີ 20 ພຶດສະ ພາ 2008).
   ແນວໃດກໍ່ດີ ສຳລັບຂັນຂອງປະເທດໄທ ໃນທ້າຍປີນີ້ ໂຕ້ຕັ້ງຄວາມຫວັງໄວ້ສູງສົມຄວນ, ແຕ່ກໍ່ຍັງຊອກຫາຜູ້ໃຫ້ທຶນສະຫນັບສະຫນູນການແຂ່ງຂັນຢູ່. ຖ້າຫາກມີບໍລິສັດໃດຫນຶ່ງໃນລາວ ໃຫ້ຄວາມອຸປະຖຳກ່ອນ ກໍ່ຈະມີເງື່ອນໄຂໃຫ້ບໍລິສັດຕ່າງປະເທດເຂົ້າມາສະຫນັບສະຫນູນຕື່ມ.
http://www.ecom.org.la/index.php