ກຂະໜາດນ້ອຍນ້ຳຊອງ ທີ່ຈະສາມາດຜະລິດກະແສໄຟຟ້າໄດ້ 5
MW (ເມັກກະວັດ) ສາມາດຜະລິດກະແສໄຟຟ້າໄດ້ 43.800.000 Kwh/ປີ
ເຊິ່ງໃຊ້ມູນຄ່າເຖິງ 10 ລ້ານໂດລາ ປະມານ 82 ຕື້ກີບ
ໃນຂະນະທີ່ຜູ້ລົງທຶນກ່າວວ່າ ຈະບໍ່ໃຫ້ສົ່ງຜົນກະທົບຕໍ່ສະຖານທີ່ທ່ອງ ທ່ຽວ.

ພິທີລົງນາມຄວາມເຂົ້າໃຈ ແລະ
ສຶກສາຄວາມເປັນໄປໄດ້ຂອງໂຄງການກໍ່ສ້າງເຂື່ອນໄຟຟ້າດັ່ງກ່າວ
ຈັດຂຶ້ນທີ່ໂຮງແຮມໂກສະໂມ ວັນທີ 22 ພຶດສະພາ 2010 ລະຫວ່າງ
ບໍລິສັດເພັດໄລພອນຄອນກຼີດ ຈຳກັດ ໂດຍແມ່ນທ່ານ ເພັດວົງຂັນຕີ
ປະທານບໍລິສັດເພັດໄລພອນຄອນກຼີດ ແລະ ທ່ານນາງ ສິງຄຳ ຄົງສະຫວັນ
ຫົວໜ້າພະແນກພະລັງງານ-ບໍ່ແຮ່ ແຂວງວຽງຈັນ
ເຂົ້າຮ່ວມເປັນສັກຂີພິຍານຄັ້ງນີ້ມີທ່ານ ດຣ.ບຸນທະວີ ສີສຸພັນທອງ
ລັດຖະມົນຕີຊ່ວຍວ່າ ການກະຊວງແຜນການ ແລະ ການລົງທຶນ ທ່ານ ຫຽມ ພົມມະຈັນ
ລັດຖະມົນຕີຊ່ວຍວ່າການກະຊວງການຕ່າງປະເທດ ທ່ານ ສົມວັນດີ ນາຖາວົງ ຮອງ
ເຈົ້າຄອງນະຄອນຫຼວງວຽງຈັນ ພ້ອມພາກສ່ວນກ່ຽວຂ້ອງ.

ໃນພິທີ ທ່ານ ເພັດ ວົງຂັນຕີ ໄດ້ຂຶ້ນສະເໜີຄວາມເປັນມາຂອງໂຄງການດັ່ງກ່າວ
ເຊິ່ງເຫັນໄດ້ວ່າ: ໂຄງການດັ່ງກ່າວຕັ້ງຢູ່ເຂດບ້ານວັງໂພ (ເຂດຖິ່ນ ແກ້ວ)
ເມືອງວຽງຈັນ ແຂວງວຽງຈັນ ຫ່າງຈາກຖະໜົນ 13 ເໜືອ ປະມານ 12 ກິໂລແມັດ
ຈາກຂໍ້ມູນຄາດຄະເນໃນເບື້ອງຕົ້ນບໍລິເວນອ່າງໂຕ່ງນ້ຳ ມີ ປະມານ 300 ກິໂລຕາແມັດ
ເນື້ອທີ່ອ່າງເກັບນ້ຳປະມານ 1,4 ກິໂລແມັດ ສະເລ່ຍຝົນຕົກບໍລິເວນນັ້ນປະມານ
1.600 ມິລິແມັດຕໍ່ປີ ສາມາດເກັບນ້ຳໄດ້ ປະມານ 144 ລ້ານແມັດກ້ອນຕໍ່ປີ
ຄວາມຍາວຂອງສັນເຂື່ອນປະມານ 180 ແມັດ ຄວາມສູງຂອງເຂື່ອນປະມານ 20 ແມັດ.

ພ້ອມນັ້ນ ບັນຫາທີ່ຫຼາຍຄົນສົນໃຈກ່ຽວກັບສະຖານທີ່ທ່ອງທ່ຽວ
ເວລາສ້າງເຂື່ອນສຳເລັດຈະເປັນແນວໃດນັ້ນ ຕໍ່ກັບບັນຫານີ້ ທ່ານ ເພັດ ວົງຂັນຕີ
ກ່າວ ວ່າ: ເປັນບັນຫາທີ່ຫຼາຍຄົນໄດ້ໃຫ້ຄວາມສົນໃຈ ໃນຄວາມເປັນຈິງແລ້ວ
ການກໍ່ສ້າງແມ່ນຫ່າງຈາກເມືອງວັງວຽງ ປະມານ 30 ກິໂລແມັດ ຖ້າສັງເກດ
ເບິ່ງຄວາມກວ້າງຂອງນ້ຳຊອງ ໃກ້ກັບຕົວເມືອງນັ້ນ ແມ່ນກວ້າງປະມານ 30-40 ແມັດ
ແຕ່ບ່ອນທີ່ຈະກໍ່ສ້າງນັ້ນກວ້າງພຽງ 10 ແມັດ ແລະ ເບິ່ງອີກ ດ້ານໜຶ່ງ
ນັບແຕ່ບ້ານວັງໂພໄປຫາຜາຕັ້ງ ນັ້ນແມ່ນມີ 12 ກິໂລແມັດ
ໃນໄລຍະດັ່ງກ່າວແມ່ນມີແມ່ນ້ຳອີກ 3 ສາຍ ທີ່ໄຫຼລົງໃສ່ນ້ຳຊອງ ເຊິ່ງຄິດວ່າ ຜົນ
ກະທົບທາງດ້ານທ່ອງທ່ຽວອາດຈະບໍ່ມີ ບາງຄັ້ງອາດເປັນຜົນດີ ເນື່ອງຈາກວ່າ
ເຂື່ອນແມ່ນສາມາດກັກນ້ຳໃນລະດູຝົນໄວ້ ເພື່ອປ່ອຍອອກໃນລະດູແລ້ງ
ເຊິ່ງໃນລະດູແລ້ງ ນ້ຳຊອງໄຫຼພຽງ 3 ແມັດກ້ອນຕໍ່ວິນາທີ
ແຕ່ງຄວາມຕ້ອງການຂອງນ້ຳເພື່ອປັ່ນໄຟນັ້ນແມ່ນ 12 ແມັດກ້ອນ ດັ່ງນັ້ນ
ຈະເຮັດໃຫ້ການ ໄຫຼຂອງນ້ຳບໍລິເວນລຸ່ມເຂື່ອນ ແມ່ນ 12 ແມັດກ້ອນຕໍ່ວິນາທີ
ຈະເຮັດໃຫ້ນ້ຳບໍລິເວນສະຖານທີ່ທ່ອງທ່ຽວບໍ່ຂາດ.